انت مين فيهم ؟

سؤال تم طرحه في برنامج تليفزيوني
انت مين فيهم
جزرة .. والا بيضة .. والا نسكافيه
استنوا بس ما تقولوش ايه الهبل ده .. الحكاية جد جدا وهتخليكم تفكروا .. ولو عندكم الشجاعة اكتبوا قولوا انتم مين في التلاتة
انتم عارفين لما اي واحدة من التلاتة بتتحط في ماء مغلي صفاتها بتتغير
يعني الجزرة لما بتتحط في الماء المغلي بتتطرى قوي وبيكون سهل هرسها
اما البيضة فبتجمد من جوة ومن برة وبتبقى قاسية جدا
لكن النسكافيه بيدوب في الماية المغلية وبيتفاعل معاها
فهمتوا ايه المقصود من السؤال ؟ .. انا مفترضة فيكم الذكاء
وعامة هبسطهالكم .. لما بتتحطوا تحت ضغوط الحياة الصعبة بتكونوا شبه مين ؟
انا هابدأ وهقول اني عشت فترات كتيرة جدا من حياتي جزرة سهل تتهرس تحت الضغوط الصعبة .. لكن حاليا بحاول اكون نسكافيه
مستني ردودكم