الناس تدلع الأطفال بياختى كميله انا ماما كنت بتقوللى ي?

أحلى حاجه فى الدنيا الطفوله ...

أفتكر لما كنت طفل كان فيه إعلانات بنت جزم

ممله رخمه زى اللى بدعها ...

زى مثلا كوفارتينا ع العريس أوووووووووووووووموه

يبقى ها يتجوز ويهيص ...

واحلى حاجه ضحكة القرشانتين فى الآخر ....

وكيبت الشبكه ..لأه ... طاخ ... والمشكله بيعيش تانى ...

أنا اعرف القطه بسبع ترواح لكن الأرنب؟؟؟ جديده دى !


وعندك إعلان عبد الرحيم عمرو يخرب بيت

التفاهه والسزاجه عايز أتجوز ..

وغيه يعنى بقولك ها اتجوز ..

انا مش شايف بروبليم ( مشكله يعنى )

..طب واجيب جهازى منين ....خلاااااااااااااااااااااص

ام بتوع النابوليا إختفوا وقرروا يعملوا إضراب


والتانى يقولله معدك جهاز العروسين ....

( كده الحمار التانى عرف ) واللى يفقع المراره

بقى لما التانى يرد بإندهاش عبد الرحيم عمرو ؟؟؟

إحتكم الأمر يا جماعه وها تجوز هاتجوز هاتجوز

... حاجه آخر شلل..


ولا الأخ اللذيذ بتاع ناموس عمال يقرص ياخويا


مش عارف انام منه ياخويا مش عارف اناااااام ....

إن شالله ما عنك نمت ...

كل دول إعلانات كارتون وبرده من أحلى الإعلانات

اللى فاكرها إعلان هاتلنا ريرى هاتلنا ريرى

هاتلنا منه بااكو وإتنين الصلى ع الزين الصلى ع الزين...

ولا إعلانات الطفله البريئه الطويييييييييييييييييله

جدا فى وسط بقيت الاطفال وشكلها عار ويموت من الضحك

الطفله ياسمين عبد العزيز .....

وكنت دايما بحب سلاحف النينجا وكابتن ماجد

ومازنجر وكنت بكره حاجه إسمها جريندايزر ... ده .

ولا بفهمه!!!!

واحلى وأجمل مطربه وصوتها دافى وحنين فى نفس حنان الام


المطربه عفاف راضى ... بالمناسبه أنا طولت عليكو

من غير ما تضحكوا ... إسمعوا الموقف ده كنت قاعد بغنى

أغنيه لسميره سعيد وبدندن بيها طول النهار راح

واحد شيخ سمعنى وبصلى وعينه بتطق شرار..

وقاللى إذكر الله يا اخى تخيل لو إنك مت ؟!


قولت فى سرى ( إلهى إنت واللى خلفوك واحد واحد )


تخيل إنك مت وعلى لسانك أغانى زى دى وربنا بعثك


على الحاله دى يبقى شكلك إيه ..

فكرت شويه وقولت عيب صح الواحد يغنى ويقول ...

مستحملاك انا ومدوقاك هنا ..تاخد ومابتديش ..

دا اللى يدوق دلع .. يعمل البدع .يتمرع ويعيش ..

حتى كلمات يعنى مفيهاش ريحة الرومانسيه

وحرام الواحد يخش بسببها النار...


فضلت افكر يا ترى أغنى إيه ؟؟؟إنى إيييييه ؟


قومت مغنى أغنيتى المفضله لمطربتى المفضله

بس مش بصوت عالى قوى

قرب واحد منى وسمعنى بغنى

وبصلى وماقدرش يمنع نفسه من الضحك

وراح لزمايله هناك وقاللهم عارفين الواد غريب الاطوال

اللى إسمه مازن ده بيغنى بيقوله إيه ؟!!


إييييه ؟


هم النم يا روحى يلا هم النم كللللل وإكبرلى يا روحى يلا هم النم



همممم النمممم يا روحى يلا همممم النم

كل و إكبرلى يا روحى يلا هم النم