شبح انسان

انا شبح انسان تايه في زحمة الحياة
بيخبط يمين وشمال مش عارف فين مرساه
ولا عارف مين هوة ولا عارف رايح على فين
لوحده واقف في مكانه بيتفرج على التايهين
ساعة بيضحك عليهم وساعة شايل همهم
وساعة بيبكي على حاله ماهو تايه زيهم
واه منك يا دنيا يا واخداني باحضان لذتك
ساحباني يوم ورا يوم لوهم جنتك
نسيتي العقل اخرتك والقلب مات في دوامة لعبتك
انا انسان موجود بروحه وهو مش موجود
مدفون في وسط جروحه وعلى الامل مسنود
يقوم يقف من تاني في وسط ناس حبته
يدور على البسمة تاني وينور شموع فرحته
فتحت عنيا خلاص وعرفت لفين مرسايا
اخر همي انتي يا دنيا اعندي براحتك معايا
وعلى ايه انشغل بهمومك يا دنيا وكلك بلة
ولا تسوي بكل ما فيكي دمعة في ركعة صلة