ليه بننشر الهدوم في البلكونات

ممكن افهم ليه بننشر الهدوم فى البلكونات؟؟؟؟؟

على الحبل من بره فى واجهة العماره تمشى فى الشوارع تلاقى الهدوم على الحبال بترفرف كده

وياسلام باه لما تكون واحده كده غاويه تنشر بمزاج فتحط القصير ادام والطويل وره, اى كل الهدوم اللى المفروض انك بتعيش عمرك كله تخبيها تلاقيها ماشاء الله منوره على الحبل وتتمايل وترقص مع النسيم فى منظر بديع,


ودايما بتكون رجالى, بجد بيصعبوا عليا اوى يعنى يعينى الناس كلها اتفرجت على اخص خصوصياتك.
لا بجد ليه كده؟؟
يعنى حد يفهمنى ايه الحكمه؟
مش فى منشر بيحطوه فى البلكونه عادى انشرى عليه من غير متفضحى اللى فى البيت.

طيب سيبكو من الناس اللى ماشيه فى الشارع ..ممكن ما تهتمش ولا تبص..

طيب مش فوقك بيبقى ساكن ناس ..واكيد فيها اب او ابن او حتى بنوته .. مايصحش نكسر حيائها..وكمان مايصحش ابدا..ان الناس اللى ساكنين فى الدور اللى فوقك يشوفو ..اكتر حاجه بنحاول ندريها

وانا كلامى ده ليس للسيدات او البنات فقط ولكن للاسره بصفه عامه.. يعنى لو كنت حضرتك ابن او زوج ..ولاقيت زوجتك او مامتك او اختك بتعمل كده ياريت تنبهها


***********نيجى بقى للمحلات *********..

عايزه افهم الحياء راح فين ..ببقى ماشيه والاقى المحلات عارضه الملابس الداخليه فى الفترينه لكل الناس

بجد يا جماعه مايصحش كده.. ولو فى حد فيكو فاتح محل وبيعمل كده ارجوكو تبطلو تعملو كده ..

لاننا كده بنكسر حياء الناس بدون قصد ..يعنى مش منظر ابدا لما ابقى ماشيه والاقى مجموعه ولاد واقفه بتتفرج على المعروض فى الفترينه..

بجد ساعتها بقول ياارض انشقى وابلعينى من كتر ما انا محرجه ..والله عييييييييب..

وطبعا الكلمه المعتاده اللى هتقولوها ان ده عادى ..وكل المحلات بتعمل كده.. خلاص بقى احنا اتفقنا اننا نتغير

يهمنى تقولو رايكو جدا

إبلاغ