ايه أشهر الثنائيات فى حياتك?????

فى
حياة كل منا ثنائيات مشهورة و متلازمه دايما تشوف الحاجتين مع بعض و صعب
تشوف واحد من غير التانى يعنى انا مثلا فى حياتى عده ثنائيات متلازمه قلما
- حلوة قلما دى - ما اجد واحد ولا اجد التانى ملازمه زى مثلا مثلا يعنى
....البيض و البسطرمه
عمرى ما اكلت البسطرمه لوحده - مع ان الوالد الله يرحمه كان... بيحبها
بالدمعه مثلا - و زى مثلا يوم الأربعاء و جريده الدستور الأسبوعيه.... او
يوم الخميس و مجله ميكى من زمان و لحد دلوقتى مع بناتى ......او اول الشهر
و مجلة الشباب - من ساعه عبد الوهاب مطاوع ما قرأتهاش - .............او
مثلا شم النسيم و الرنجه زمان كانت ليله شم النسيم متلازمه مع حفلة عبد
الحليم .....أو دلوقتى يوم الجمعه و الفطار لازم فول و طعميه و طرشى
......او عمل المحشى و معاه لحمة بالدمعه لازم و لابد من ايام جدتى الله
يرحمها و هكذا ..........ايه اشهر الثنائيات عندكم .........